علي دوست عاجز
علي دوست عاجز
علي دوست عاجز: علي دوست عاجز: شاعر ۽ اديب- علي دوست عاجز جو پورو نالو علي دوست ولد محمد خان گانئچو آهي. سندس جنم 2 سيپٽمبر 1964ع تي فريدآباد، تعلقي ميھڙ، ضلعي دادوءَ ۾ ٿيو. هن سنڌ يونيورسٽي ڄام شوري مان 1992ع ۾ ايم ايس سي (رياضي) ڪئي. ھي ڪجھ وقت ثانوي اسڪول ۾ استاد رهيو. 1996ع کان سيلز ٽيڪس کاتي ۾ سينئر آڊيٽر مقرر ٿيو. 2008ع ۾ اسسٽنٽ ڪليڪٽر ۽ 2013ع ۾ ڊپٽي ڪليڪٽر سيلز ٽئڪس ٿيو. جنوري 2022ع کان ڪاسٽ اڪائونٽنٽ طور اِن لئنڊ روينيو ۾ خدمتون سراَنجام ڏئي رھيو آھي. ڪاڇي جي جاگرافيءَ بيھڪ ۽ جوھر بروھي صاحب جي صحبت کيس شاعريءَ لاءِ اُتساھيو. مئٽرڪ ۾ پڙهڻ دوران هن شاعري شروع ڪئي. دادو ڪاليج ۾ پڙهڻ دوران استاد بخاريءَ جي شخصيت ۽ شاعريءَ جي اثر سبب سندس شاعريءَ ۽ زندگيءَ تي استاد بخاريءَ جو رنگ چڙھڻ لڳو. هن غزل، گيت، وائي، بيت، آزاد نظم، ترائيل ۽ ڏيڍ سٽِي جھڙين صنفن تي طبع آزمائي ڪئي آهي. سندس ڇپيل ڪتابن ۾: ’خوشبو خوشبو خواب‘ (2000ع)، ’جھڙا تارا جرڪڻا‘ (ٻارن لاءِ شاعري: 2002ع)، ’اچن ڀنؤر ڀنڀوليا‘ (2003ع)، ’سوني باگو‘ (اوپيرا: 2004ع)، ’آديسي استاد (استاد بخاري ڏات ۽ ذات 2005ع)‘ ’رنگ رتو آڪاس‘ (2009ع)، ’سائر جو سوداءُ‘ (2013ع)، ’رتا روهيڙا‘ (2017ع)، ’ڪُونجان‘ (اوپيرا 2018ع)، ’ٽانڊاڻا ٽانڊاڻا رات‘ (ٻارن لاءِ شاعري 2018ع)، ’مون کي چڙن چوريو‘ (گيت 2019ع ۽ ’مٿي ڪُلھن ڪينرا‘ (خاڪا 2019ع) شامل آهن. ان کان سواءِ استاد بخاريءَ جي غزلن چوسٽن ۽ لنڊن جي ڊائري ۽ شاعريءَ کي ترتيب ڏئي ڇپائن جو ڪم ڪيو. ’آديسي استاد‘ ڪتاب تي سنڌي ادبي سنگت سنڌ ۽ ’ٽانڊاڻا ٽانڊاڻا رات‘ ڪتاب تي سنڌي لئنگئيج اٿارٽيءَ ۽ سنڌالاجيءَ طرفان بھترين ڪتاب جا اوارڊ مليا. آگسٽ 2023ع ۾ ادبي خدمتن جي مڃتا طور حڪومت پاڪستان طرفان کيس تمغئه امتياز سان نوازيو ويو آهي.
لفظ علي دوست عاجزھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1964.09.02 عيسوي
ناليواري شاعر علي دوست عاجز جو پورو نالو علي دوست محمد خان گانئچو آهي. سندس جنم 2 سيپٽمبر 1964ع تي فريدآباد، تعلقي ميهڙ، ضلعي دادوءَ ۾ ٿيو.
شاعر - ڀاڱي جون ٻِيون داخلائون
بلوچ صحبت عليپير ناصر خسرو قبادياني لعل بدخشان
مخدوم محمد عارف سيوستاني 2
پٺاڻ محمد علي
ابڙو روبينا
صمد ساز رضوي
’دردي صاحب خان جروار
بسمل ٽکڙائي
عبدالله راهي لکوي ميان
بِنگو گوپانگ